Оътту канчаар чуртаарын өөреткени.
Чер кырынга оът-сиген хостуг өзүп турган. Канчаар шыдаарыл, ынчаар өскен: чамдыктары бедик, чамдыктары чавыс, чамдык черде сырый, чамдыктарында тарамык. Улус келгеш шупту оът-сигеннни дазылы -биле, чер-хөрзүнү-биле дөзунге чедир узуткап каапкан. Өскээртен хөрзүн эккелгеш, ооң орнунга чада чашкаш, чемишиткеш, өске оът-сигенниң үрезинин чажып, тараан. Дең-дески кылдыр тараан. Ол черден ам өске оът үнүп эгелээн. Оът-сиген, шык кыргый дескилээр кижи келгеш, дең-дески кылдыр оътту кыргываан шаанга чедир,өзүп-ле, өзүп-ле турган. Ол чорупкан. Хыы ханган. Оътка канчаар өзерин көргускен: дең-дески турар, бедивес-даа, чавызавас-даа. Сырый-даа эвес, тарамык-даа эвес. Бир чыл эрткен. Ийи чыл ашкан. Уш дугаарында - кижилер орта чедип келгеш, көргеш, карактарынга бүзүревээн: оът-сиген хостуг өскен, чамдыктары бедип хүнче чуткээн, а чамдыктары - черже чыкпайган. Чамдык черде сырый үнген, а өскезинде - тарай үнген. Оът-сиген чүге-даа өөренмээн болган. Көөрге, салымы ындыг болганы чадап чок: оът бүрүзүнүң салым-чолу аңгы-аңгы. Канчаар-даа деңнеп дескилээрге, оон чүү-даа болдунмас.
Чер кырында оът-сиген бүрүзү чаңгыс аай болбас, ыяштар база аңгы-аңгы, даглар,хемнер, балыктар, аңнар, кижилер база шак-ла ындыг.
Бүгү-ле чүве аңгы-аңгы. Аас-кежик, ажыг-шүжүг кижи бүрүзүнүң база аңгы-аңгы.
Перевод на тувинский язык Эмили Кыргыс